മാതാമഹിസ്മൃതി
**************************
ഫാലദേശത്തിങ്കൽ ഭസ്മമണിഞ്ഞും,
ശങ്കരധ്യാനപ്രകാരം ജപിച്ചും
ശങ്കരനീയേ ശരണമെന്ന-
കതാരിലവിരാമ മന്ത്രം ചൊല്ലിയും
നാരായണനാമമുണർന്ന ജിഹ്വയി
ലാവോളം ശ്ലോകങ്ങൾ പദം പറഞ്ഞും.
"തേ സ്വസ്തി അസ്തു", സദയം
പുത്രപൗത്രരോടോതിയ,
മാതൃവാത്സല്യമാതാമഹി !
സംസാരാർണവം തരണം ചെയ്ത-
ഭ്രമണ്ഡലം പൂകി എന്നാകിലും ,
മമ ഹൃത്തിലുണ്ടുതവ ചാരുരൂപം,
സ്വർണപീഠമമർന്നിടുമീശ്വരി പോൽ
സ്മൃതിയിലലയിടുന്നു തവ,
സ്വരം സംഗീത സാന്ദ്രം .
അത്രൈവ മുഴങ്ങീടേണം
ഓരോങ്കാര മന്ത്രസദൃശം !
മാത്രയൊന്നുപോലും നിലയ്ക്കാത്ത,
ചേതനാഹേതുസ്പന്ദനം പോൽ.
താരകബ്രഹ്മസന്നിധി പൂകിയ
ശബരി പോൽ സ്വാധി ,
തവ ജീവിതം കാൺകെ,
ആയിരം നെയ്ത്തിരികൾ ,
ആയിരം അഞ്ജലികൾ..!
മുക്തിപദസിദ്ധിക്കു പ്രാർത്ഥനകൾ !
****************************
കെ എൽ അജയ് :)
No comments:
Post a Comment