ശുനകനിദ്ര
***********************
അവനറിയുന്നീലാരവങ്ങളൊന്നും,
ആർഭാടവുമാർപ്പുവിളികളും !
അനാചാരങ്ങളുമയിത്തവും,
ഝടിതിയിലൊഴുകുന്ന കാലപ്രവാഹവും
ബ്രഹ്‌മാണ്ഡമണ്ഡല താളമേളങ്ങളും
അവനറിയുന്നീലന്ധത കനത്ത
മാംസനിബദ്ധമാം രാഗദ്വേഷങ്ങളും ,
കപടത കോപ്പിട്ട മുഖങ്ങളും,
ഇന്ദ്രീയാകാമിതമാം അന്തരംഗത്തിൻ
ശൃംഗാരകേളീ വിലോലവിലാസവും !!
അവനറിയുന്നീല മൃദുതൽപ്പ-
തലങ്ങൾതൻ ക്ഷണികമാം ആർദ്രത.
അത്താഴവറ്റും പ്രാതലും ചേർന്നുദര-
ഗഹ്വരം തന്നിലടരാടും കാഹളം !
അറിയുന്നിവയൊക്കെ നാം ദിനരാത്രം !
അവനറിയുന്നുണ്ടൊരു ശാന്തത
സ്വസ്ഥമീ സൂക്ഷമ നിദ്രയിൽ!
നരനലഭ്യമായൊരു സ്വച്ഛത.
അവനെ പ്രമാണമാകുന്നുണ്ട് നാം:
"ശുനകനുറങ്ങും പോലെ "!!
അവനുറങ്ങുംപോലൊരു
രാത്രി ,ഒരുപകലൊരു നേരം,
ഒരു നിമിഷാർത്ഥമെങ്കിലും,
ഉറങ്ങുമാറായാലെന്തു സുകൃതം !!
ശുനകനിദ്രയിതസൂയാവഹം !
*************************************
കെ എൽ അജയ് :)
***********************
അവനറിയുന്നീലാരവങ്ങളൊന്നും,
ആർഭാടവുമാർപ്പുവിളികളും !
അനാചാരങ്ങളുമയിത്തവും,
ഝടിതിയിലൊഴുകുന്ന കാലപ്രവാഹവും
ബ്രഹ്‌മാണ്ഡമണ്ഡല താളമേളങ്ങളും
അവനറിയുന്നീലന്ധത കനത്ത
മാംസനിബദ്ധമാം രാഗദ്വേഷങ്ങളും ,
കപടത കോപ്പിട്ട മുഖങ്ങളും,
ഇന്ദ്രീയാകാമിതമാം അന്തരംഗത്തിൻ
ശൃംഗാരകേളീ വിലോലവിലാസവും !!
അവനറിയുന്നീല മൃദുതൽപ്പ-
തലങ്ങൾതൻ ക്ഷണികമാം ആർദ്രത.
അത്താഴവറ്റും പ്രാതലും ചേർന്നുദര-
ഗഹ്വരം തന്നിലടരാടും കാഹളം !
അറിയുന്നിവയൊക്കെ നാം ദിനരാത്രം !
അവനറിയുന്നുണ്ടൊരു ശാന്തത
സ്വസ്ഥമീ സൂക്ഷമ നിദ്രയിൽ!
നരനലഭ്യമായൊരു സ്വച്ഛത.
അവനെ പ്രമാണമാകുന്നുണ്ട് നാം:
"ശുനകനുറങ്ങും പോലെ "!!
അവനുറങ്ങുംപോലൊരു
രാത്രി ,ഒരുപകലൊരു നേരം,
ഒരു നിമിഷാർത്ഥമെങ്കിലും,
ഉറങ്ങുമാറായാലെന്തു സുകൃതം !!
ശുനകനിദ്രയിതസൂയാവഹം !
*************************************
കെ എൽ അജയ് :)
